*એલ.એચ.ભકત સાર્વજનિક હાઈસ્કૂલ ઘાટા ખાતે ગણિત-વિજ્ઞાન અને પર્યાવરણ પ્રદર્શન કાર્યક્રમ યોજાયો*
તાપી જિલ્લા SVS-I નું ૧૬મું ગણિત-વિજ્ઞાન અને પર્યાવરણ પ્રદર્શન ૨૦૨૪-૨૫નો કાર્યક્રમ વ્યારા તાલુકાના એલ.એચ.ભકત સાર્વજનિક હાઈસ્કૂલ ઘાટા ખાતે યોજાયો હતો.
કાર્યક્રમના ઉદઘાટક તરીકે શ્રી ગોવિંદભાઈ ગાંગોડા હાજર રહ્યા. સંસ્થાના પ્રમુખશ્રી ઉમેશભાઈ પી. ગામીત, મંત્રીશ્રી હરિકૃષ્ણ એન.ભકત તથા SVS-1 કન્વીનરશ્રી આશિષભાઈ શાહ, આચાર્યશ્રી સંતોષકુમાર સી.વસાવા તેમજ શિક્ષકગણની હાજરીમાં કાર્યક્રમને ખુલ્લો મુકયો હતો.
આ પ્રદર્શન કાર્યક્રમમાં કુલ ૭૧ શાળાઓ દ્વારા કુલ-૧૦૩ જેટલી કૃતિઓ રજુ કરવામાં આવી હતી. જેમાં માધ્યમિક વિભાગ માંથી ૮૮ કૃતિઓ અને ઉચ્ચતર માધ્યમિક વિભાગમાંથી ૧૫ કૃતિઓ પ્રદર્શનમાં મુકવામાં આવી હતી. દરેક વિભાગમાંથી એક-એક શ્રેષ્ઠ કૃતિ તરીકે પસંદ થઈ હતી.કુલ-૦૫ કૃતિઓને શ્રેષ્ઠ કૃતિ તરીકે જાહેર કરવામાં આવી હતી.
